देवी रा दूहा

चाळरायरे जाळरी, झाली सेवक़ झंव;
दिन वळियो टळियो विघन, आंगण फळियो अंब॥१॥

आवड ध्यायां विदगां,आवड कर आपांण;
कावड नें सावड करण,नावड विरद निवाण ॥२॥

सोह बखांणूं चारणी, मुरधर देश विचाळ;
सूरज किणी न ढांकियो, हेकण आवड टाळ॥३॥


आवड आवड उचरतां ,तावड लगे न ताव ।
छतराऴी छाया करै, मामडियाऴी माव

करनांदे कई वार, मन मांहि कीनो मतो,
(पण) हुकुम विनां हिक वार,देसांणो दीठो नही ॥४॥

आई किजै उंदरा,मेहाई गढ़ मांय ।
कणक चुगां कोठाररी,पड्यो रहुं पछडाय ॥५॥